கொக்கரக்கோ கோழி

கோழி கூவுது

"சோழ மன்னர்களின் தலைநகரமான உறையூரைக் 'கோழியூர்' என்று கூறுவர். இதற்கு காரணம் சோழனின் பட்டது யானையை கோழி ஒன்று எதிர்த்ததாம். யானையை எதிர்க்கும் அளவு கோழிக்கு வீரம் விளைவித்த அந்த மண்ணை தலைநகராக்கி 'கோழியூர்' என்று பெயர் சூட்டினார்களாம்

பெரும்பாலும் நாம் சேவல்களுக்கு குடுக்கும் முக்கியத்துவம் கோழிகளுக்கு கொடுப்பதில்லை. பண்டைய காலத்தில சேவல், கோழி என்று பிரித்து கூறமாட்டார்கள், அனைத்தும் 'கோழிகள்' தான். இன்னும் கூட கோழி கூவுது என்று தான் மக்கள் பேச்சு வழக்கில் உள்ளது. சேவல்களையும் கோழி என்று தான் பண்டைய காலத்தில் கூறுவர்.

சேவல்களின் உருவம், அழகில் கோழிகள் கொஞ்சம் குறைவு தான் அதனால் தான் என்னவோ மக்கள் கோழிகளை பெருதும் பொருட்படுத்துவது இல்லை, மற்றும் இதன் விலையோ சேவல்களை விட குறைவு. ஒரு நல்ல குஞ்சுகளை உருவாக்குவதில் சேவல்களுக்கு எவ்வளவு பங்கு உண்டோ அதே அளவு கோழிகளுக்கும் உண்டு. மேலும் குஞ்சு பொரிக்கும் திறன் கோழிகளின் வீரியத்தை பொறுத்ததே அமையும்.

பூதி நிற வால் வெடைக்கோழி (Old lineage)

மயில் பூதி நிற கோழி  (Old lineage)

பூதி சேவல்  (Old lineage)

வால் பொன்றம்  பட்டா 

கிளி மூக்கு சேவலை (Old Lineage)

உதாரணமாக நல்ல பெருவெட்டு சேவலுக்கு சில்லு குஞ்சுகளாக பொரிக்கும், நாம் ஏன் என்ற குழப்பத்தில் இருப்போம், காரணம் சேவலின் வீரியத்தன்மை கோழியை விட குறைவு, அதனால் தான் சேவல்போல குஞ்சுகள் பொரிப்பதில்லை. வெப்போர் மற்றும் சண்டை சேவல் வளர்க்கும் கட்டாளிகளுக்கு இது நன்கு தெரியும், அவர்கள் தன் இனவெளி சேவல்களை வேறு கோழிகளுடன் கலக்க மாட்டார்கள், சேவல்களுக்கு ஏற்ற கோழிகளை வைத்திருப்பார்கள், மேலும் சேவல்களை விற்பனை செய்வார்களே தவிர கோழிகளை விற்பனை செய்ய மாட்டார்கள். சரியான இனவழிகளை கலப்பதன் மூலமே நல்ல குஞ்சுகளை எடுக்க முடியும். ஒரு நல்ல இனவெளியை கோழியால் மட்டுமே தன் பண்புகளை அடுத்த தலைமுறைக்கு எடுத்துச்செல்ல முடியும். நான் 10 வருடங்களுக்கு முன்பு பார்த்த கோழிகள் இப்போது எங்கும் இல்லை, பழைய இன கோழிகள் சேவலுடன் சண்டை இட்டு சேவலை கொன்றதை நான் பார்த்துள்ளேன். அப்படி பட்ட கோழிகள் இப்போது மிக குறைவு பழைய வளர்ப்பாளர்களிடம் மட்டுமே உண்டு. அப்படி பட்ட கோழிகள் முட்டை இடும் திறன் அதிகம் 15 முதல் 16 முட்டை வரை இடும், ஆனால் தற்போதுள்ள கோழிகள் 8 முதல்  9 முட்டை வரை மட்டும் தான் இடுகிறது.

நம் எல்லோருடைய எண்ணம் குஞ்சுகள் சேவல் போல் பிறக்க வேண்டும், ஒரு வேலை கோழி போல அனைத்து குஞ்சுகளும் பொரித்து விட்டால், அந்த கோழியை நாம் கழித்து விடுவோம். அதற்க்கு அர்த்தம் அது நல்ல கோழி இல்லை என்பதால் அல்ல, வீரியமான கோழி என்று அர்த்தம், அவ்வகையான கோழிகளுக்கு அதைவிட அதிகமாக வீரியமுள்ள சேவலை சேர்க்க வேண்டும். இது தான் குஞ்சு உற்பத்தியாளர்களின் (Breeders) நேர்த்தி. இப்போது நம்மில் பலரும் குஞ்சு உற்பத்தியாளர் ஆவதில்லை, சேவல்களை வாங்கி கட்டில் போட்டு வளர்த்து விற்கும் வியாபாரிகளாக மாறிவிட்டார்கள். இந்த பதிவு இளம் வளர்ப்பாளர்களுக்கு, நீங்கள் சேவலுக்கு எத்துணை முக்கியம் தருகிறீர்களோ, அதே முக்கியத்துவத்தை கோழிகளுக்கும் கொடுங்கள்.

இந்த பக்கத்தை பற்றிய உங்களின் மேலான கருத்துக்கள் வரவேற்கப்படுகிறது. உங்கள் கருத்துக்களை கீழே பதிவிடவும்.