தகர்க்கும் தமிழர்கள்

ஆந்திராவை உடைக்கும் தமிழர்கள் 

சேவல்கள் தமிழ்நாட்டிற்கு  மட்டும் உரிமை கூற முடியாது, இவை உலகம் எங்கும் பரவலாக பெயர்போனவை. நமக்கு அண்டை மாநிலமான ஆந்திராவில் இவை அதிகம், அங்கு சேவல் கட்டிற்கு தடைகள் கிடையாது. 

அவ்வாறான ஆந்திர மக்கள் பெரிதும் விரும்புவது நம் தமிழ்நாட்டு சேவல்களே. வாரம் வாரம் நம்ம ஊரு சந்தையை அலசி கிடைக்கிற பொருள தூக்கிட்டு போவாங்கே. அதுக்காக அந்த ஊருல நல்ல சேவல்கள் இல்லேனு அர்த்தம் இல்ல, நம்ம ஊரு சேவல்களின் தரம், உயரம், மூர்க்கம், நிறம், வளர்ப்பு, இதுனால ஈர்க்கப்பட்டு வாங்கிட்டு போறாங்க.

இவங்க இப்பிடி ஒரு பக்கம் இருக்கும் போது நம்ம கிளி மூக்கு வால்சேவல் வளர்கிற ஒரு சில மக்கள் ஆந்திர சேவல்களை இங்க கொண்டுவந்து குஞ்சு இறக்கி இது என் லைனேஜ் (Linage) னு சொல்லி மக்களை ஏமாத்திட்ருக்கங்கே. இது ஒன்னும் தப்பு இல்லையேனு நீங்க கேக்கலாம். தப்பு இல்ல ஆனா என்ன நம்ம நாட்டு இனங்களை அழிச்சுருவாங்க. ஜல்லிக்கட்டு பஞ்சாயத்துக்கு அப்பறம் தான் நாட்டு இனங்கள பாதுகாக்கணும்னு  நம்ம மக்கள் கிளம்பிருக்காங்க  ஆனா இப்பிடி வேற மாநிலத்து இனங்கள  கொண்டு வந்து நம்மளோட தனித்தன்மையை கெடுக்கிறாங்க. இத தெரிந்து பண்ணுறாங்களா, தெரியாம பண்ணுறாங்களானு தெரியல, ஆனா இப்பிடி பண்ணுறதால, ஒன்னு வேகமா சம்பாரிக்கலாம், இன்னுனு பல வருசமா சேவல் வளக்கிறவங்களவிட வேகமா பெயர் எடுக்கணும்னு எண்ணம் தான்.

ஆந்திர கிளி மூக்கு

தமிழ்நாட்டு கிளி மூக்கு

இதுனால என்ன ஆக போகுதுனு நீங்க கேட்கலாம் 

*முதல்ல உனக்கு பிறந்த குழந்தைக்கு அப்பா நீ இல்லனு சொல்லுற

   மாதிரி இது உன் இனம் இல்ல.

*உன்ன நம்பி வாங்குறவன் உன்னால ஏமாத்த படுறான்.

* நம்ம இனங்கள் மாதிரி உயரம் வால் வராது, நோய் எதிர்ப்பு  திறன் 

  ரொம்ப கம்மி.

*முட்டை இட்டு குஞ்சு பொரிக்கும் திறன் குறைவு நம் இனங்களை விட

*இதுனால அடுத்துவர தலைமுறை பெருவெட்டு இனங்களே பாக்காது.

*வால்சேவல்களே முற்றிலுமா அழிந்திடும்.

*ஆந்திர சேவல்கள் உடல் எடை 2 - 3 கிலோ தான் இருக்கும்

நம் தமிழ்நாட்டு சேவல்கள் பார்வைக்கு 

நல்ல வால் நீள பட்டா

அசல் தமிழ்நாட்டு லைன்

 அசல் 

விசிறிவால் நூலான்

நம்ம தமிழ்நாட்டு லைன் இங்க உள்ள தட்ப வெப்ப சூழ்நிலைக்கு ஏத்தது போல் வாழக்கூடியது. இதன் குஞ்சு பொரிக்கும் தன்மை மற்றும் கரு கூடும் வீரியமும் அதிகம். அதினாலே தான் இந்தியா முழுவத்துக்கும் தமிழ்நாடு தான் மொத்த விற்பனையகம். 

நம்ம தமிழர்கள் பல நூற்றாண்டுகளுக்கு முன்னாடி இருந்தே சண்டை சேவல்கள் மற்றும் கோழிகள் வளக்குறாங்க.

"அகனர் வியன் முற்றத்துயச்

சுடர்நுதல் மடநோக்கின் 

நேரிழை மகளிர் உனக்குணாக் கவரும் 

கோழி எறிந்த கொடுங்காற் கனங்குழை"

என்ற வரிகள் பட்டினப்பாலையில் குறிப்பிடப்பட்டுள்ளது.

கோழி சண்டையை கண்டுகளிக்க கூடிய இளைஞர்கூட்டம் மகிழ்ச்சியால் சீழ்க்கை அடித்து ஆரவாரம் செய்ததை திருத்தக்க தேவர் சீவக சிந்தாமணியில் குறிப்பிட்டுள்ளார். 

இனிமேலாது புதுசா வாங்கி வளக்குறவங்க நம்ம நாட்டு இனங்கள தெரிஞ்சுக்கிட்டு அத வாங்கி வளங்க.