திருவிழாக்கட்டு

பெருவெடை சேவல்கள்  (கட்டு சேவல்கள்)

இவ்வகையான சேவல்கள் நல்ல திடகார்த்தமான உடல் கட்டும் 4 முதல் 8 கிலோ வரையிலான எடை கொண்டவை. இவற்றின் பிறப்பிடம் மேற்கு தொடர்ச்சிமலையை ஒட்டியுள்ள பகுதிகளில் குறிப்பாக மதுரை, திண்டுக்கல், ஈரோடு, கரூர், நாமக்கல், சேலம், கிருஷ்ணகிரி மற்றும் ஆந்திரா. பெருவெட்டு சேவல்கள் பெரும்பாலும் கட்டிற்கு தான் பயன்படுத்தப்படும், இவற்றின் பின்னங்காலில் கூர்மையான கத்தியை ஒன்றை கட்டி சண்டைக்கு விடுவார்கள். அனைத்து வகையான சேவல்களையும் கட்டிற்கு பயன்படுத்தலாம் ஆனால் இவ்வகை பெருவெட்டு சேவல்கள் கொஞ்சம் சிறப்பானவை. இவைகள் மூர்கத்தனமாகவும், தன் பலத்தை நிரூபிக்க சாகும் வரை சண்டையிடும் மேலும் தன் பலத்தையும், வீரத்தையும் கணக்கிட்டு அதற்க்கு ஏற்றாற்போல் சண்டையிடும் நுணுக்கம் தெரிந்தவை. அதனால் தான் இவை தமிழனின் பாரம்பரியமாக இருந்தது. ஒவ்வொருவரின் வீட்டிலும் ஒரு சேவல், அவற்றின் கூவல் ஒலி தான் காலை அலாரம். வருடம் முழுதும் மணல் கட்டில் இருக்கும், வருடம் ஒரு முறை நடக்கும் கோவில் திருவிழாக்களில் கட்டப்படும்.

குறிப்பாக சங்கம் வைத்து தமிழை வளர்த்த மதுரையில் இதன் சிறப்பு ஒரு படி மேல். ஆம் மதுரையில் ஜல்லிக்கட்டு எப்படி பாரம்பரியமாக இருந்ததோ, அதேபோல் சேவல்கட்டும் இருந்தது. தன் குடும்ப சண்டைகளை கூட சேவல்கட்டில் வைத்து தீர்த்துக்கொள்வார்கள். மன்னர்கள் காலத்திலிருந்தே தொன்று தொட்டு வருடத்திற்கு ஒரு முறை நடக்கும் சித்திரை திருவிழாவில் கட்டு நடைபெறும் 5000க்கு மேல் சேவல்கள் கட்டில் பங்குபெறும், மதுரை வைகை ஆற்றுக்கு வடக்கே உள்ள அனைத்து கிராமங்களிலும் கட்டு நடைபெறும் (வெள்ளியங்குன்றம், மாத்தூர், கள்ளந்திரி). ஒரு சேவல் எத்தனை சேவல்களுடன் வேனுமென்றாலும் மோதலாம், இது சேவல்களின் உடல் திறன் மற்றும் வீரியத்தை பொறுத்ததே அமையும். இவ்வாறு அதிகம் களம் கண்ட சேவல்களை தேர்ந்தெடுத்து கோழிகளுக்கு போடுவார்கள், அதன் குஞ்சுகளை அடுத்த வருட கட்டிற்கு தயார் செய்வார்கள்.

எதிரிக்கு எதிர் 

சேவல் கட்டில்  பயன்படுத்தப்படும் கத்தி

பூலாம்வலசு கட்டு 

வேகம் குறையாத செவலை 

மதுரையை போலவே கரூர் மாவட்டத்தில் உள்ள பூலாம்வலசு என்ற இடத்தில் பொங்கல் திருவிழாவையொட்டி நடக்கும் கட்டில் பல ஆயிரம் சேவல்கள் இடம் பெரும். 2014 இல் நடைபெற்ற சேவல்கட்டில் இருவர் கத்தி காயப்பட்டு இறந்ததால் உயர்நீதி மன்ற ஆனைப்படி சேவல் கட்டு நிறுத்தப்பட்டது. பின்பு இதை சூதாட்டம் என்றும் அரசு முத்திரை குத்துகிறது, ஆனால் இதில் எந்த ஒரு சூதாட்டமும் இல்லை, வெற்றி பெற்றவருக்கு தோல்வியடைந்த சேவலே பரிசு. வெற்றி ஒன்று தான் அனைவரது இலக்காக இருக்கும், எப்படி ஒரு போர் வீரனுக்கு அழகு களத்தில் சாவதோ அதே போல். ஆனால் சேவல் கட்டு தடையால், சேவல் வளர்ப்பாளர்களின் எண்ணிக்கையும் குறைந்து விட்டது. இருப்பினும் ஆங்காங்கே கிராமத்து திருவிழாக்களிலும், தோப்புகளிலும், விடுமுறை நாட்களிலும் கட்டுகள் நடந்து கொண்டு தான் இருக்கிறது.

இந்த பக்கம் உங்களுக்கு பிடித்திருந்தால் பாலோவ் (Follow) செய்யவும். மேலும் உங்கள் கருத்துக்கள் வரவேற்கப்படுகிறது.