கருஞ்சதை சேவல் கோழி
கருஞ்சதை சேவல்கள் உயரமாகவும், பெருவெட்டாகவும், கால் கருப்பாகவும், சதை கருப்பாகவும், உடல் முழுவதும் கருப்பாக இருக்கும். இதன் பூர்வீகம் சேலம் மாவட்டம் சங்ககிரி. இந்த வகை சேவல், கோழிகள் சண்டைக்காகவும், மருந்து பொருளாகவும் பயன்படுத்தப்படுகிறது. இதனுடைய எடை சேவல்கள் சுமார் நான்கு முதல் எட்டு கிலோ வரையிலும், கோழிகள் சுமார் மூன்று முதல் ஐந்து கிலோ வரையிலும் இருக்கும். இந்த வகை சேவல்கள் சண்டைக்கு மிகவும் சிறப்பானவை காரணம் இதன் கருப்பு நிறம் தான். பொதுவாகவே கருப்பு நிறம் வீரியத்தை குறிக்கும், அதிக தாங்குதிறன், அதிக நோய் எதிர்ப்பு திறன் கொண்டவை. இயற்கையாகவே சேவல்களில் இறக்கையில் பலவகை நிறங்கள் இருக்கும் (மூன்று முதல் ஐந்து வரை நிறங்கள்), நிறங்களை உருவாகுவது நிறமிகள் (Pigment). இவ்வகை நிறமிகளின் குறைபாட்டினால் தான் (pigmentation disorder) தூய வெள்ளை நிறத்தில் சேவல், கோழிகள் பிறக்கின்றன.
கருஞ்சதை கோழி
கருஞ்சதை சேவல்
உதாரணமாக தூய வெள்ளை நிற ராஜபாளைய நாய்களில் செவிடு மட்டும் கண் குறைபாடு வரும், இதேபோல் குருவி இனங்களில் அல்பினோ வெள்ளை நிற குருவிகளுக்கு நோய் எதிர்ப்பு திறன் மற்றும் குஞ்சு பொரிக்கும் திறன் குறைவு. பொதுவாக வெள்ளை நிற பறவைகளின் எண்ணிக்கை குறைவாகத்தான் இருக்கும் (காரணம் நிறமி குறைப்பது) அதனால் தான் இதன் விலைகளோ இரண்டு அல்லது மூன்று மடங்காக இருக்கிறது.
வெள்ளை நிற சேவல்
நம் முன்னோர்கள் இதை நன்கு அறிந்தவர்கள் அதனால் தான் அவர்கள் வெள்ளை நிற கோழிகளை வளர்க்கவில்லை, அதனை சாப்பிட்டால் சத்து குறைபாடு வரும் என்பதால் தான் கோயில்களில் கருப்பு நிற கோழி மற்றும் ஆடுகளை பலிகொடுத்து, விருந்தினருக்கு உணவளித்தனர். ஆனால் நாம் இப்போது வெள்ளை நிற கறிக்கோழிகளை (பிராய்லர்) உண்டு ஏகப்பட்ட வியாதிகளை அனுபவித்து கொண்டிருக்கிறோம். நிறங்களில் நம்பர் ஒன் கருப்பு நிறம் தான், இந்த கருப்பு நிறம் அதன் வீரியத்தை குறிக்கும். இனியாவது வெள்ளை நிறத்தை தலையில் தூக்கி வைக்காமல் கருப்பு நிறம் கலந்த வீரியமான சேவல், கோழிகளை வளர்க்கலாமே. மேலும் நம் நாட்டு இனமான கருஞ்சதை கோழி, சேவல்களை அழியாமல் பாதுகாக்கும் சங்ககிரி வாழ் மக்களுக்கு எங்கள் உள்ளங்கனிந்த நன்றிகள்.
Comments
Post a Comment